कजरी

सावन भादों के महिनमा में करिया मेघ बरसे ला
कलेजवा पे बिजली गिरेला मोर जियरा जरे ला

घर अयलन सबके सजनवा
हमरा नसीब मे वियोग बा
पिया तू विदेशवा में घुमेला
पिया विदेशवा ...

सावन भादों के ..

पिया कैसे कटे दिवस हमार
आबे न तोहरा कबहू याद हमार
बालम तू कैसन निष्ठुर हो गई ल
बालम तू ..

सावन भादों के ....

पिया सौतन संग करिहय् न प्यार बा
हमार जिनगी तोहरे पे निसार बा
पिया तोहरे कारण घर द्वार छूटल
पिया तोहरे ...

सावन भादों के ...

मेंहदी हरिहर चूडी से करब सिंगार
अखंड सुहाग हमार रहे बरकरार
पिया तीज में कितना बजार सजेला
पिया  तीज ...

सावन भादों के ..

पिया देवर संग नेईहर पठाय द ना
भईया के हम तनी राखी बान्हब ना
पिया सावन में रक्षा बंधन आयल बा
पिया सावन ...

सावन भादों के ...

पिया सावन में नेईहर पह़ुँचाय द ना
कजरी गायब ननदी भउजईया ना
सखियन संग ऊँहा हम झूलब झूला
सखियन संग ..

सावन भादों के महिनमा में करिया मेघ बरसे ला
कलेजवा पे बिजली गिरेला मोर हियरा हुलसे ला